Guest
Сÿреен! Кече бистерде “Кызалаҥду jылдар“ деп роман аайынча, ZOOM ажыра, книжный клубтыҥ туштажузы öтти. Кандый болгонын алдында видеоноҥ кöрöргö jарар, (куучыныс 3 час кире болды, jакшы). Туштажуныҥ турулталары ла тöп шÿÿлтелери мындый болды: - “Кызалаҥду jылдар“ - чын ла баштапкы тÿÿкилик jаан роман. Ойроттордогы öйди кöргÿскен чÿмдемелдердеҥ бистерде jÿк ле бу роман эмтир. Темдектеп алза, калмыктарда ол öй керегинде чÿмдемелдер кöп. - Тÿÿкиде болгон керектерле тÿҥдештирзе, роман ол художественное произведение, автордыҥ кöрÿм-шÿÿлтезиле салынган деп билер керек. - Агару кан деп бажалык, алтай калыктыҥ Алтайы учун тöгÿлген каны - агару болгонын керелеп jат. Баштап кычырала Агару кан - Елизавета Петровна деп бодойтом :)) - Романда айдылган jерлердиҥ аттары чыннаҥ ла бар. Кöп сабазы Кан-Оозы аймакта (оныҥ Кан-Оозыныҥ улузына оморкор керек😊). Темдектезе, темир кайылтып jууга белетенген Темир-Тайга деп jер туку Чарас деп сууныҥ бажында. Чакырдыҥ боочызыныҥ Беш-Öзöк jаны jаар Тÿÿкейдиҥ jалаҥы деп jер бар, о.ö
