Guest
Октябрьскæйы аивæдты скъола бæрæг кæны æнусы 'мбисы юбилей. Сæрмагондæй уыцы цаумæ республикæйы национ наукон чиныгдоны байгом равдыст “Несущие свет“, зæгъгæ. Йæ экспозицийы — скъолайы ахуырдзаутæ æмæ рауагъдонты 140 куыстæй фылдæр. Сты алыхуызон жанрты: натюрморт, пейзаж, декоративон-уæлæмхасæн аивад, моделон кукла. Мадзалмæ æрбахуыдтой сфæлдыстадон куыстуæтты хъомылгæнинæгты. Æрбахизæны уазджытæн сæ бон фенын у 50 азы дæргъы цы къамтæ æмбырд кодтой, уыдон. Равдыст ахæсдзæн ноябры кæронмæ.
