Ил Тмэн дьокутааттарын кытары Мээ Хаалас улууун делегацията крстэ. Быйыл Мээлэр улуус трттэммитэ 95, Баылай Манчаары 2

Ил Түмэн дьокутааттарын кытары Мэҥэ Хаҥалас улууһун делегацията көрүстэ. Быйыл Мэҥэлэр улуус төрүттэммитэ 95, Баһылай Манчаары 220, Улуу Кыайыы 80 сылларын бэлиэтииллэр. Онон парламеҥҥа көрсүһүү үбүлүөйдээх бэлиэ сылларга ананна. Ил Түмэн бэрэссэдээтэлэ Алексей Еремеев мунньаҕы арыйарыгар Мэҥэлэр олох араас салаатыгар дьоһун үлэлэрин бэлиэтээн туран, өрөспүүбүлүкэҕэ бүгүҥҥү көрдөрүүлэри сырдатта. Мэҥэ Хаҥалас улуус нэһилиэктэрин баһылыктара салайааччыларга улуус социальнай-экономическай сайдыытын, инники соруктары дьүүллэстилэр. Мэҥэ Хаҥалас тыа хаһаайыстыбатын өрө тутан олорор бастыҥ үлэһит дьонноох, дьоҕурдаах  ыччаттаах, баай, дириҥ устуоруйалаах биир бөдөҥ улуус. 2007 сылтан Аллараа Бэстээх бөһүөлэгэ улуус киининэн буолан, күн бүгүн дьоhун суолталаах бөдөҥ тырааныспар ситимэ буола бөҕөргөөтө. Тырааныспар техникума, тимир суол ыстаансыйата арыллан үлэлииллэр. Улууска 31 муниципальнай тэриллии баар, 33 тыһыынча кэриҥэ киһи олорор. Ил Түмэн пресс-сулууспата @nakhodkin23 [club43690985|@iltumen] Источник: Новости Ил Тумэн