Предпразднество Богоявления

Канон предпразднству Просвещения (Богоявления Господня) Припе́в: Сла́ва Тебе́, Бо́же на́ш, Сла́ва Тебе́. Память: 15 января (02 января ст. ст.) Глас 4. __ Тропарь предпра́зднства Богоявле́ния, гла́с 4. Гото́вися, Завуло́не, / и красу́йся, Неффали́ме, / Иорда́не реко́, ста́ни, / подыми́, взыгра́я, крести́тися гряду́ща Влады́ку. / Весели́ся, Ада́ме с прама́терию, / не кры́йта себе́, я́коже в раи́ пре́жде, / и́бо, на́ги ви́дев вы, яви́ся, / да облече́т в пе́рвую оде́жду: // Христо́с яви́ся, всю тварь хотя́ обнови́ти. __ Кондак предпра́зднства Богоявле́ния, гла́с 4. Во струя́х днесь Иорда́нских быв, Госпо́дь / Иоа́нну вопие́т: / не убо́йся крести́ти Мя, / спасти́ бо приидо́х // Ада́ма первозда́ннаго. __ Стихи́ра предпра́зднства Богоявле́ния, гла́с 8. Сый Огнь нестерпи́мый,/ бре́нию и се́ну мне су́щу, Христе́ мой, что святу́ю Твою́ преклоня́еши главу́,/ ея́же А́нгельская трепе́щут мно́жества?/ - рече́ Иоа́нн ко Творцу́, егда́ крести́тися прии́де.// Вели́ко Твое́ есть, Благоутро́бне Жизнода́вче, низше́ствие. __ Тропарь навечерия Богоявления, глас 4. Возвраща́шеся иногда́ Иорда́н река́ ми́лотию Елисе́евою,/ возне́сшуся Илии́,/ и разделя́хуся во́ды сю́ду и сю́ду/ и бысть ему́ сух путь, и́же мо́крый,/ во о́браз вои́стинну Креще́ния,/ и́мже мы теку́щее жития́ прехо́дим ше́ствие:// Христо́с яви́ся во Иорда́не, освяти́ти во́ды.