Guest
Чӳк уйăхĕн 10-мĕшĕнче Раççейре Полици ĕçченĕсен кунĕ. Йĕрке хуралĕнче тăрăшакансем çынсен тăнăçлăхне упраççĕ, тĕрлĕ синкерлĕ пулăма сирме тăрăшаççĕ. Вĕсем çĕршыври, республикăри çавăн пекех районсенчи лару-тарăва тивĕçлĕ шайра тытса пыраççĕ. Чăваш Енре пурăнакансене канлĕн ĕçлеме тата пурăнма майсем туса параççĕ. Канмалли кунсенче те вĕсем хĕсметре, яланах пулăшу кӳме хатĕр. Уява шалти ĕçчен тытăмĕнче вăй хуракансем ытларах чухне ĕçре кĕтсе илеççĕ.Уяв-и, канмалли кун-и – вĕсем яланах йĕрке хуралĕнче сыхă. Хăйсен ĕçне тӳрĕ кăмалпа, яваплă пурнăçалма тăрăшаççĕ вĕсем. Кашнийĕншĕн çак тытăмра вăй хуни пурнăç тивĕçĕ пулса тăрать тейĕн. Уява çавăн пекех çак тытăмра вăй хурса тивĕçлĕ канăва кайнисем те паллă тавăççĕ. Йĕркене пăсакансене тупса палăртса тĕллевпе шалти ĕçчен тытăмĕнче вăй хуракансем ырми-канми тăрăшаççĕ. Хăш чухне хăйсен пурнăçне шеллемесĕр инкеке лекнисене çăлма тăрăшаççĕ. Мухтавпа чыса тивĕçес тесе мар, чунри çирĕплĕх ыйтнипе çыннăн пурнăçне çăлса хăвараççĕ. Тĕслĕхрен, полици ĕçченĕ аслă сержант Алек
