Guest
Қараша айының 21-і күні Маңғыстаудың мақтанышы «Ақжарма» фольклорлық ансамбліне 25 жыл толды.Осыған орай Мұрат Өскінбаев атындағы Маңғыстау облыстық филармония залында мерекелік концерт өтті. Бағдарламада мерейтой иесі «Ақжарма» ұжымы, сонымен қатар «Жорға» халықтық би ансамблі және филармония өнерпаздары өнер көрсетті. Ал танымал конферансье Беркін Санатов пен ансамблдің алғашқы концерттік жүргізушісі Маржан Медиева аталған кештің тізгінін ұстады. Біз «Ақжарма» фольклорлық ансамблін шын жүректен мерейтойымен құттықтай отыра, шығармашылық шабыт, толағай табыстар тілейміз!
