Guest
Аб безбар’ерным гарадскім асяроддзі і аб даступнасці як грамадскім дабрабыце казалі ўдзельнікі круглага стала ў Брэсце. Ініцыятарамі сустрэчы сталі жанчыны # БСДПбрэст. Удзельнікі сустрэчы абмеркавалі заканадаўства і прыклады стратэгій уладкавання даступнага гарадскога асяроддзя ў Беларусі і розных краін. У ходзе дыскусіі адзначалася, што ў абласным цэнтры мясцовымі ўладамі праводзяцца мерапрыемствы па ўладкаванні безбар’ернага асяроддзя, але пры гэтым не ствараецца універсальны дызайн горада, пры якім улічваюцца інтарэсы ўсіх жыхароў горада, а не якіх-небудзь асобных катэгорый грамадзян. Сюжэт пра даступнаць гарадскога асяроддзя для людзей з абмежаванымі магчымасцямі ў гэты дзень выйшаў на дзяржаным тэлебачанні. Удзельнікі круглага стала выказалі гатоўнасць накіраваць мясцовым уладам свае прапановы па зручным і бяспечным ўладкаванні гарадскога асяроддзя.
