Guest
“AUPET Talent Show” жобасынан Joker болып танылған, Радиотехника және телекоммуникация факультетінің 1 курс студенті – Мұратбай Нұржанды жігіт сұлтаны болуға нақты ештене итермелеген жоқ, себебі әрдайым ізденісте болу, барынша рухани дамып, өнер саласында өзін шыңдау – ол оның өмір тәртібі. Бір-екі айдың ішінде-ақ Нұржан өзін білікті биші ретінде АЭжБУ сахнасында талай көрсеткен. Студенттер қатарына қабылдау рәсімінде светодиодтармен билеген де осы жігіт. (Сол кезде координаторы әрі тәлімгері болған, “АЭжБУ Сұлтанының” тағы бір қатысушысы Солтанғазин Әділетпен Нұржан енді бақ сынаспақшы... Ұстазын шәкірті озар ма екен?) Волейбол мен греко-рим күресін жақсы көретін бұл сайыскеріміз: “Мен бір орында отыра алмаймын. Сондықтан жеңуге бар күшімді саламын, бірақ жеңіле білу де жақсы қасиет”,-дейді.
