Guest
Седмица 21-я по Пятидесятнице. Глас третий. Прмц. Анастасии Римляныни (III). Прп. Аврамия затворника и блж. Марии, племянницы его (ок. 360). Прп. Аврамия, архим. Ростовского (1073-1077). Сщмч. Николая пресвитера и с ним. мчч. Космы, Виктора, Наума, Филиппа, Иоанна, Павла, Андрея, Павла, Василия, Алексия, Иоанна и мц. Агафии (1918). Сщмч. Иоанна пресвитера (1930). Сщмч. Евгения пресвитера (1937). Мц. Анастасии (после 1937). Сщмч. Леонида пресвитера (1941). Мчч. Клавдия, Астерия, Неона и Феониллы (285). Прп. Анны Константинопольской (826). Прп. Аврамия, затворника Печерского. Прмч. Афанасия. Прп. Ермилиндисы, пустынницы (Нидерл.). Новомч. Афанасия Спартанского (Греч.). Мч. Тимофея Есфигменского (Греч.). Мц. Мелитины Маркионопольской (Греч.). Мчч. Кирилла, Мины и Минеона (Греч.). Св. Ростислава принца Моравского (870) (Чехия). Св. Серапиона Зарзмского (900) (Груз.). Чтения дня Филиппийцам 4:10-23 Луки 11:29-33 Галатам 5:22-6:2 (преподобному) Матфея 11:27-30 (преподобному) Тропари Прмц. Анастасии Римляныни. Тропарь, глас 4. Áгница Твоя́, Иису́се, Анастаси́я,/ зове́т ве́лиим гла́сом:/ Тебе́, Женише́ мой, люблю́/ и, Тебе́ и́щущи, страда́льчествую,/ и сраспина́юся, и спогреба́юся Креще́нию Твоему́,/ и стражду́ Тебе́ ра́ди, я́ко да ца́рствую в Тебе́,/ и умира́ю за Тя, да и живу́ с Тобо́ю;/ но, я́ко же́ртву непоро́чную, приими́ мя с любо́вию, поже́ршуюся Тебе́./ Тоя́ моли́твами/ я́ко Ми́лостив спаси́ ду́ши на́ша. Прп. Аврамия. Тропарь, глас 8. В тебе́, о́тче, изве́стно спасе́ся е́же по о́бразу:/ прии́м бо крест, после́довал еси́ Христу́/ и, де́я, учил еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней./ Те́мже и со Áнгелы сра́дуется, преподо́бне Авраа́мие, дух твой. Кондак Авраамия, глас 3. Во пло́ти, я́ко Áнгел, на земли́ яви́лся еси́,/ и поще́нием был еси́, я́ко дре́во насажде́нное,/ водо́ю воздержа́ния до́бре возрасти́вся/, и тече́ньми твои́х слез скве́рну омы́в:/ сего́ ра́ди яви́лся еси́ прия́телище Боже́ственное, Авраа́мие, Ду́ха. Прп. Аврамия, архим. Ростовского. Тропарь, глас 1. Просвети́вся Боже́ственною благода́тию,/ неве́рныя лю́ди наста́вил еси́ к све́ту Богоразу́мия:/ и по сме́рти сия́я све́тлостию жития́ твоего́,/ источа́еши исцеле́ния притека́ющим с ве́рою к тебе́,/ Авраа́мие о́тче наш,/ Христа́ Бо́га моли́ дарова́ти нам ве́лию ми́лость. Кондак, глас 2. И́го Христо́во прие́м, Авраа́мие,/ и Того́ крест на ра́мо взем,/ последо́вал еси́ Ему́,/ насажде́н быв в дому́ Го́сподни/ и процве́л еси́, я́ко фи́никс и я́ко кедр, и́же в Лива́не,/ умно́жил еси́ ча́да твоя́, муж жела́ний духо́вных:/ от возлю́бленнаго же апо́стола Иоа́нна Богосло́ва благода́ть восприи́м,/ жезло́м сокруши́л еси́ и́дола/ и рассы́пал еси́ его́, я́ко прах,/ и чудотво́рец у́бо ве́лий яви́лся еси́, преподо́бне./ Те́мже Христа́ Бо́га моли́/ непреста́нно о всех нас. Прп. Аврамия, затворника Печерского. Тропарь, глас 2. Ве́лия ве́ры исправле́ния,/ в пеще́рнем затво́ре, я́ко на воде́ упокое́ния,/ преподо́бне о́тче Авраа́мие, ра́довался еси́,/ огне́м бо любве́ Боже́ственным распала́ем,/ бде́нием и моли́твою безстра́стия дости́гл еси́/ и яви́лся еси́ равноа́нгельный на земли́,/ того́ моли́твами, Христе́ Бо́же, спаси́ ду́ши на́ша. Кондак, глас 3. Во плоти́ я́ко Áнгел на земли́ яви́лся еси́,/ и поще́нием, я́ко дре́во насажде́нное при вода́х воздержа́ния, до́бре возро́с еси́,/ тече́ньми же твои́х слез скве́рну омы́в, Авраа́мие,/ яви́лся еси́ селе́ние Боже́ственное Свята́го Ду́ха.
