Фрагмент т/п Радавод, запіс 2000 г. Атар Рэгіна Гамзовіч. Рэжысёр Святлана Слабейка.

Прыйшлі калядкі – зімовыя святкі! Даўнія строі, шапкі-вушанкі, кажухі, сярмягі, суконныя світкі, яркія паясы… Ражаныя спыняюцца каля кожнага двара ў чаканні гаспадара. А каля вакна – сапраўдны спектакль: Каза, Жораў, Певень, Мядзведзь, Заяц, скокі пад гармонік, бубен і калядныя абрадавыя песні. Памяць пра тое, што пераапранутыя калядоўшчыкі з абавязковай каляднай атрыбутыкай прыносяць шчасце, здароўе і дабрабыт у сям’ю на ўвесь будучы год, падсвядома жыве і цяпер – абрады шчадравання ладзяцца як у вёсках, так і ў гарадах. Будзьце гасціннымі – і свята разам з калядоўшчыкамі завітае да вас! Добры вечар, пане гаспадар!