БД АЙЫНДА КАКТАНЫРЫ

Шагааның бүдүү айында кижи бүрүзү белеткенип, аал-оранын арыглап, кактаныр. Чүгле даштыкы чүүлдерни арыглаар эвес, кижи бодунуң сагыш-сеткилин, үзел-бодалын арыглаары база чугула. Чыл дургузунда чыглып келген бок-сакты, хир-чамны арыглаар. Кидис олбуктарны, кештен эптеп кылган шоодайларны, хеп-сынны, идиктерни үндүрүп, хар кырынга чула-ла кактаныр чораан. Ол арыгланып тургаш бистиң өгбелеривис: “Өршээ Бурган, хай-бачыдым арылзын! Багай амытандан хирчам үнзүн, өршээ!” деп база чугааланыр турган. М.В. Монгуш бо кылдыныгларда ханы утка барын бижип, хай-бачыт, хир-чамны арыглап база ырадып турарын айтып турар.