Guest
Эки бучукъ асыр девамында Къырым ханлыгъынынъ пайтахты олгъан Багъчасарай шеэринде улу тарихымызнинъ джанлы шааты булунмакъта. Хан сарайнынъ темели XV-нджи асырнынъ башында I-нджи Сахиб Герай Хан тарафындан къоюлды. Сарайннынъ къурулышынен бир сырада Багъчасарай да шеэр оларакъ эм къурула, эм де инкишаф этмеге башлады. Эки ярым асыр девамында Къырым ханлыгъынынъ меркези олгъан мезкюр сарайнынъ тыш къыяфети дефаралджа денъишти. Тахткъа чыкъкъан эр бир хан енишлернинъ шерефине сарайда озь изини къалдырмакъ истей эди. Герайлар сюлялесининъ эр бир темсильджиси Хан сарайнынъ мухтешемлигине озь иссесини къошты, десек, янъылмамыз. Ханлар сарайы азбарынынъ энъ корюмлю ве муим иншаатлардан бири – Хан джамиси 1532 сенеси къурулды ве бу куньге къадар хызметини девам эте.
