Guest
Лымшор удмуртъёслэн виртыремзы чылкак удмурт сиён яке асэстэм, мар пӧрало уйпал удмуртъёс пешникен, малы удмуртъёс ӵемгес чырсатымтэ ыльнянен пыжисько — та но мукет юанъёслы валэктонъёс утчалозы выль программаын. Программаез нуисьёс шаерысьтымы пӧртэм удысъёсысь куноосынызы ӵош тунсыко юанъёслы шонер валэктонъёс утчаны тыршозы. Лэчыт кыл, капчи мылкыд, чупрес киос но ӝӧк вылын — зэмос удмурт пӧрам. Удмурт кухня котыр ласянь эскеремын ни ке но, та дырозь нимысьтыз телепроектъёсын со сярысь вераськонъес ӧй вал. Табере, котькуд вирнуналэ 19 час 55 минутэ “Мынам Удмуртие“ телеканалын учкыны быгатӥськоды тужгес но ческытсэ телеадӟытонэз — «Чечым».
