Guest
Элекке транспорт, мәғлүм булыуынса, ат. Аттар йыл әйләнәһенә туҡтауһыҙ юлда була. Транспорт, йөк ташыусы, оҙон юлда ла алыштырғыһыҙ мал. Баймаҡ, Бөрйән районына сиктәш Әхмәт ауылынан ул-был яҡҡа аттар юл һала. Ҡырҙас ауылына барыр өсөн генә лә өс юл бар. Ир-егеттәрҙе яуға Таҙғаҡ юлынан оҙатҡандар. Оло юл менән Таҙғаҡ юл араһынан һуғыш әсире тимерсе Әширәф Ҡөнәфин туралатып йәғни ҡыҫҡараҡ юл һала. Ул Ҡырҙас ауылына тимерлеккә көн дә йөрөп эшләй. Ул - Әширәф юлы. Ул юл Бәләкәй Ҡуһаилдан барып Өлкән текә Ҡуһаил тауы аша төшә. Хәҙер ул юлдарҙың эҙен күк үлән ҡаплаған, ат, белеүеҙсә, музей экспонатына әйләнеп бара. Машиналар ҡырсынташ түшәлгән оло юлдан йөрөүҙе хуп күрә. Бала-саға ла ошо юлдан биш саҡрым алыҫлыҡта ятҡан Ҡырҙас мәктәбенә йөрөп уҡый. Йәйәүлегә янсыҡ та ауыр тигәндәй, ҡайтыр юлда ҡайын ағастарының бөгөлгән урындарында туҡтап ял итеп алалар, тамаҡ ялғай, йырлап-бейешеп тә алалар. Шул ҡайынды һандуғас ҡайыны тип йөрөтөргә күнегәләр. Хаммат исемле малай бер ҡайын ағасын атҡа оҡшата. Башы,ҡойроғо, ултырырға урыны ла уңайлы. Ауылына төшөр юлда ошо атына атланып, ял итеп ҡайта.Ул ҡайын Хаммат аты ҡушаматын алған. Өлкән Ҡуһаил битендә еләк ин алда бешә. Беренсе еләкте береһела утеп китмәй, тәмләп китәләр. Бәләкәй Ҡуһаилда и Өлкән Ҡуһаилды аша төшһән еләк сәскә ата. Тәбиғәт менән кеше гармонияла килешеп йәшәгәне ошо ҡомартҡыларҙан күренә лә инде. Тыуған ауылҡайым ята Теҙмә тауҙар артында. Таш ҡаялар һерәйгәндәр Уралтауҙың һыртында. (Зөһрә Башарова,Зифа Абдуллина.)
