Килей Ялгам (текст) - Олёш

Слова: Татьяна Мокшанова Кизэнь вень чоподась олась-ёмась. Паро онт мелезэнь таго кадсь. Вальмантень килей тарадкесь комась, - Шумбра валске марто! - монень пшкадсь. Ды мелем кепететсь менель алов, Мизолкс марто ушодыя чинть. Састо-састо сынь килейненть малав, - Шумбрат, килей ялгинем! Учить? Ашо виде чова рунгонть сонзэ Чевтьстэ ды вечкезь пиземесь шли. Лопанзо арты сырнесэ сёксесь, Те тюсось сонензэ пек моли. Сы телесь. Оршасы тусто лекшсэ. Сон одирьвакс мизолды тенек. Мерят, курок карми мирдень экшсэ, Сонсь якшамось вечксы сонзэ пек. Сельведензэ тунда петерь-петерь - Мезде-бути мелявты сон вельть. Килей-ялгам, мазый эрзянь тейтерь, Зяро монень казят паро мельть.