Guest
Хетæгкаты Къостайы райгуырдыл 165 азы кæй æххæст кæны, уый фæдыл «15-æм Регион» сарæзта сæрмагонд ног проект «Нæхи Къоста». Къоста аивады æмæ литературæйы цы бæрзæндтæм схызт, уый ныридæгæн никæмæн ма бантыст. Адæмы цард, сæ рыст, сæ тухитæ Къостайы хуызæн ничи равдыста. Ивгъуыд æмæ фидæн кæрæдзийæ нæ иртæсынц. Абон дæр ма йæ темæтæ сты ахадгæ. Уымæн у Къостайы сфæлдыстад афтæ хæстæг æмæ уарзон ирон дзыллæтæн! Мах даррдæр æххæст кæнæм нæ проект. Абон нын йæ хъуыдытæ раргом кодта журнал «Ногдзау»-ы сæйраг редактор Сæлбиты Дианæ.
