Guest
Аптадағы халықаралық оқиғалардың ең өзектілеріне тоқталсақ. АҚШ-тағы президент сайлауы әдеттен жырақ жаппай наразылық шерулеріне ұласты. Дауыс беру аяқталған күні президент һәм екінші мерзімге кандидат Дональд Трамп беймәлім күштер сайлау нәтижесін бұрмалауға күш салуы мүмкін екендігін ескертіп, бас прокуратураға жүгінетінін мәлімдеуі мұң екен, жаппай наразылық шаралары басталды. Қарсылық шаралары мен ішінара болып жатқан тәртіпсіздіктерді сарапшылар Америка дәл қазір биполярлы саяси ахуалды бастан кешуде деп бағалауда. Яғни Республикашыл Трамп пен демократ Джо Байденнің жақтастары қазір Құрама штаттарын қаққа бөлген. Жарты ғасырға жуық АҚШ қоғамы дәл осындай сайлауды өткермепті.
