Солоон Соболооун Окучаар Роман Пахомов трбтэ 100 сылыгар йдбнньк бэлиэ туруорулунна

РСФСР үөрэҕириитин туйгуна, сэрии уонна үлэ бэтэрээнэ, ыччат наставнига Роман Степанович Пахомов быйыл төрөөбүтэ 100 сылыгар үтүө аатын үйэтитэн төрөөбүт төрүт сиригэр Солоҕон нэһилиэгин Соболооҕун Оҥкучаҕар атырдьах ыйын 16 күнүгэр өйдөбүнньүк бэлиэ туруорулунна. “ Оҥкучах” Нуучча Көстөкүүн (1818) уола Хаччаһын Харалаампый ( Пахомов Харлампий Константинович 1857) - хос эһэбит, уолунаан Тэллэй Ыстапаанныын (Пахомов Степан Харлампьевич 1888 –1941 )- эһэбит, чугас чугас ыаллыы олорбут кыстык сирдэрэ . Биһиги төрөппүттэрбит – Агафья Степановна,Роман Степанович, Василий Степанович( Быылай 1929-1946) ,Петр Степанович, Степан Степанович Пахомовтар 1942 сыллаахха дылы олорон ааспыт төрүт сирдэрэ. Кинилэр сырдык ааттарын үйэтитэргэ,кэлэр көлүөнэ ыччаттарбытыгар анаан Роман Степанович төрөөбүтэ 100 сылынан өйдөбүнньүк бэлиэ туруорулунна. Агафья Степановна Пахомова- сэрии сылларыгар сэбиэттээбит. Петр Степанович Пахомов –учуутал идэлээх этэ. Степан Степанович Пахомов- СӨ үөрэҕириитин үтүөлээх үлэһитэ, РФ үөрэҕэриитин туйгуна, Солоҕон, Бэрдьигэстээх нэһилиэктэрин, Горнай улууһун Бочуоттаах олохтооҕо.