Guest
Агын мэргэжэл дээшэлүүлдэг институд аяар Хальмаг Уласhаа зорижо ерэhэн холын айлшадые угтан абаба. Үхибүүдые эхэ хэлэндээ hургадаг багшанарай семинар болобо. Аяар холо Хальмаг нютагһаа түрэлхи хальмаг хэлэнэй 21 багшанар семинарта хабаадана. Тэдэнэр буряад хэлэнэй багшанартай уулзажа, хөөрэлдэжэ, дүй дүршэлөө хубаалдана. Мүнөөдэр майн 6-да Агын гимназида Серятыров Гол Бимбеевич “Джангар“ үльгэр, Босханджиева Антонина Хейчиевна “Элинсэгэймнай дамжуулhан hайндэр“ тухай, Ностаева Саглара Ивановна “Хальмаг үндэhэн эдеэ хоол“, Цыремпилова Ольга Шулуновна “Эгээл ехэ баялиг“ гэжэ түсэлөөр нээмэл хэшээлнүүдые хэбэ.
