Guest
Аллаһы Тәгалә китабында болай дип әйтә: «Аллаһы беркемгә дә күтәрә алмаган сынаулар йөкләмәс...» «Әл-Бәкара / Сыер», 2:286 Ягъни һәр кешегә сынавын хәленә карап бирә: арттырмый да, киметми дә. Сынау дигән сүзне күп кабатладым. Ни өчен? Чөнки һәрбер сынау бездән сабырлык көтә һәм сынауларга сабырлык белән генә каршы торып була.Авырлык килгәч сабыр итү. Берәр җирең авыртамы, хатының белән аралар бозылдымы, мал кимедеме, бурыч арттымы – сабыр ит! Бу – Аллаһның сиңа нигъмәте. Сабыр ит, әмма кул кушырып утырма, тырыш. Ләкин ничек кенә авыр булса да, гөнаһка, хәрамгә кермә Аллаһы тәгәлә Коръәндә дә сабырлык ияләрен бик күп аятьләрдә мактый: «Дөреслектә, Аллаһ – сабыр булучылар белән» («Бәкара» сүрәсе, 153нче аять). «Сабыр булучыларны шатландыр» («Бәкара» сүрәсе, 155нче аять). «Аллаһ сабыр булучыларны ярата» («Гыймран» сүрәсе 146нчы аять) Сабыр итүчеләргә генә хисапсыз әҗерләр бирелер» («Зүмәра» сүрәсе, 10нчы аять). #таухид #единобожие #ислам #islam #вагаз
