Guest
ҲАФТАЛИК 1) СУҒУРТА ХАЛҚНИНГ ҒАЗАБИНИ ҚЎЗҒАТМОҚДА Қирғизистондаги суғурта ширкатларининг даромади сўнгги беш йилда икки баробардан ошиб кетди. Уларнинг даромади 2019 йилда 1,6 миллиард сомни ташкил этган бўлса, 2023 йил якунига кўра 3,8 миллиард сомни ташкил қилди. 2024 йилда эса, суғурта ширкатларининг даромади янада ортиши кутилмоқда. Чунки ҳозирда уй-жой ва автомобилларни мажбурий суғурта қилиш талаб қилинмоқда. 2024 йил 1 сентябргача уй-жой суғуртаси бўйича 159 минг 331 нафар шартнома имзоланган. Бу ўтган йилга нисбатан анча кўпдир. Вазирлар маҳкамасининг раиси 2024 йил охиригача барча уй-жойларни, жумладан, хавфли ҳудудларда жойлашган уйларни ҳам суғурта қилиш хақида топшириқ берди. Уй-жой ва автомобилларни мажбурий суғурта қилиш жараёни бир ойдан буён давом этиб келмоқда. 2) БИШКЕК ҲОКИМЛИГИ ЙЎЛ ҲАҚИНИ 40 СОМГА КЎТАРИШНИ ТАКЛИФ ҚИЛДИ Бишкек шаҳар ҳокимлиги жамоат транспортларида нақд пул тўлаётганлар учун йўл ҳақини 40 сомга оширишни таклиф қилди. Бундан кўзланан мақсад жамоат транспортида йўл ҳақини карта орқали тўлашга одамларни жалб қилиш экани айтилмоқда. Айни пайтда автобус ва троллейбусларда йўл ҳақи “Тулпар” ва банк карталари билан тўланганда, 17 сом, нақд пулда тўланганда, 20 сом, MegaPay хизмати орқали тўланганда, 11 сом, шахсий автобус ва микроавтобусларда эса, 20 сом қилиб белгиланган. Пойтахтда йўл ҳақи охирги марта жорий йилнинг январ ойида оширилган эди. 3) ҒАЗОДА ҚИРҒИН БОШЛАНГАНИГА БИР ЙИЛ БЎЛДИ: У БИЗГА НИМАЛАРНИ НАМОЁН ҚИЛДИ? Шубҳа йўқки, Фаластин масаласи барча мусулмонларнинг ақидаси ва иймонига боғлиқ масаладир. Бу фаластинликлар ёки ғазоликларга ташлаб қўйиладиган масала эмас. Ғазо қирғини бошлангандан бери ишғолчи яҳудийлар Каъбадан ҳам муқаддас бўлган мусулмонларнинг қонини тўхтовсиз тўкмоқда. Росулуллоҳ соллаллоҳу алайҳи васаллам: “...(Эй Каъба) Муҳаммаднинг жони қўлида бўлган Зотга қасамки, мўминнинг, унинг молининг ва қонининг дахлсизлиги Аллоҳнинг наздида сенинг дахлсизлигингдан ҳам буюкдир”, дедилар. Youtube kanal Azat kanal Turkiston biz AzatKG Интернет сайт: Биздин телеграм каналабыз Биздин кыргыз тилиндеги Фейсбук каналабыз Бизнинг Фэйсбук ўзбек тилида каналимиз Наш Фэйсбук канал на русском языке
