Guest
Наш двор – Сусвет! Поўны нечаканых адкрыццяў. А зараз, перад Калядамі і Новым годам, - і напагатоў! Бо паўсюль з’явіліся лясныя прыгажуні! Дарэчы, а ці адрозніваецца ёлка ад елкі? А яліна? Ведаеце? Давайце разам разбірацца! Елка – агульная назва аднаго з падтыпаў сямейства хваёвых. Колькі відаў у елкі? І гэтым хваёвым сямействе больш за 40 відаў розных елак: сібірская, усходняя, канадская, карэйская, карлікавая, звычайная і г. д. Вось звычайную якраз і называюць яшчэ ялінай, ялінкай! То бок, гэта абыдзённыя, нават ласкавыя яе імёны. Колькі жыве елка? Сярэдні ўзрост хваёвых дрэваў - 180-300 гадоў. Але і доўгажыхары сярод іх ёсць. Напрыклад, елка Стары Ціка ў Швецыі. Ёй ужо 600 гадоў, а яе кораню — болей за 9,5 тысяч гадоў. Уяўляеце? Не дзіва, што дрэву далі ўласнае імя: Стары Ціка. А ці ведаеце вы, чаму елка не губляе іголкі зімой, як робяць і ўсе астатнія хваёвыя, акрамя лістоўніцы? Вучоныя мяркуюць, што яна вынайшла сакрэт зімовага фатасінтазу! Усе дрэвы спыняюць яго да вясны, таму і лісце скідваюць, а
