Guest
Магчыма, цяпер не самы ўдалы час для прэм’ер, але ніхто не ведае, што будзе заўтра. Мы тут, побач, падтрымліваем адно аднаго тым, што не спыняемся. 23 траўня на ютуб-канале “Купалаўцы” сустракайце сусветны паказ неўміручай “Паўлінкі”. Так, гэта не проста прэм’ера, а сапраўднае кругасветнае анлайн-падарожжа з шэрагам сюрпрызаў. Адмыслова да прэм’еры мы падрыхтавалі субтытры на англійскай, французскай, нямецкай, украінскай, польскай, рускай і нават кітайскай мовах. Выбраць патрэбны вам варыянт можна ў наладах відэа падчас прагляду. Сапраўдны спектакль-легенда, які больш за сем дзесяцігоддзяў жыве на купалаўскай сцэне, які выхаваў некалькі пакаленняў артыстаў і гледачоў, нарадзіўся ў эвакуацыі ў Томску ў 1944 годзе. Візітоўка тэатра, нематэрыяльная гісторыка-культурная каштоўнасць Беларусі, феерверк і свята шчырай беларускай мовы, спектакль-музей, спектакль-аншлаг, спектакль-любоў. Спектакль, які ўвабраў у сябе безліч лёсаў, гісторый і легендарных імёнаў. Невыпадковая іронія лёсу. 23 траўня 1944 года тэатр у
