Guest
Кăçалхи пĕрремĕш çур çулта Раççей Федерацийĕн Следстви комитечĕн Чăваш Енри следстви управленийĕн следователĕсем 600 ытла уголовлă ĕç пуçарнă. Вĕсенчен 400-ĕшне вĕçленĕ, ĕçсене суда янă. Кун пирки коллегийĕн анлă ларăвĕче пĕлтернĕ. Ăна Раҫҫей Федерацийӗн следстви органӗсен ӗҫченӗн кунне халалласа йĕркеленĕ. Саккун пăсакансене тупассинче криминалистика уйрăмĕн ĕçченĕсен тӳпи чылай пысăк. Шăпах вĕсем хутшăннипе кăткăс та пăтрашуллă йĕркесĕрлĕхсем уçăмланаççĕ те.
