Guest
Цæгат Ирыстоны карантины сæхгæдтой дыууæ скъолайы. Ахуырадон кусæндæтты æхснырсæгæй рынчынты нымæц у 12%, сывæллæтты рæвдауæндæтты — 16%. Ацы бæрæггæнæнтæ фехъусын кодтой аппаратон æмбырды, амыдта йæ Дзанайты Барис. Дохтырты æххуысмæ дæр фæстаг къуырийы дæргъы фылдæр адæм фæсидынц. Уæрæсейы фæлхасгæнджытæм цæстдарды управлени зæрдыл лæууын кæны скъолаты æнæниздзинад хъахъхъæныны мадзæлттæм фылдæр æргом здахын кæй хъуы, уый. Æмбырды ма ныхас цыд ахуырадыл. Ацы аз национ проекттæ аххæсдзысты 170 скъолайыл. Дзуапдæттæг министр Алыбегты Эллæ куыд фæбæрæг кодта, афтæмæй регион фыццаг хатт баххæссыд ахæм бæрæггæнæнмæ. Республикæйы ма сæ куыст райдыдтой иумæйаг паддзахадон фæлварæнмæ цæттæгæнæн центртæ.
