Эсиэли хапсаайа

🤼‍ ️ Эҥсиэли хапсаҕайа Кулун тутар 16-17 кк., сылын аайы ыытыллар үтүө үгэскэ кубулуйбут СӨ хапсаҕай федерациятын президенэ Николай Иннокентьевич Румянцев бирииһигэр А категорияҕа “Эҥсиэли хапсаҕайа“ хапсаҕайга өрөспүүбүлүкэтээҕи турнир саҕаланна. Быыппастыбыт былчыҥнардаах, бүүппэстибит бөтөҕөлөрдөөх саха уоланнара бэйэлэрин ыйааһыннарыгар хабыр хапсыһан,өрө көтөҕөлөһөн көбүөргэ күөн көрсөр күннэрэ үүннэ. Республикабыт үгүс улуустарыттан 183 кыттааччы кэллэ: Бүлүү, Үөһээ Бүлүү, Горнай, Хаҥалас, Таатта, Чурапчы, Уус Алдан, Өлөөн, Өймөкөөн, Үөһээ Дьааҥы, Нам уо.д.а. Бу күннэргэ күүстээх киирсии элбэҕи быһаарыа, ким дьарыктаах, сытыы, сымса өрөгөйү оройуттан тутуоҕа. Элиэнэ Кэрэ @gazetaensieli Источник: Газета “Энсиэли“. Намский улус