Guest
Перевод: Вера Алексеева Музыка: Борис Мокроусов Прянь шнамо тонеть а карман, Содан мон, мезде кортан, Тештине менельстэ саян, Ды тонеть сонзэ казян. Ломантне ёвтыть монь эйстэ - Седеезэ чевте, ванькс. Эли неяви тонь койсэ - А пек мазый мон цёрась. Весе шныть монь од панаром, Ды пек мазый оршамом. Ёвтан салава – шабрасо Лембе валт маринь ламо… Тонеть, монь вечкевикс ялга, Мезе эряви – максан. Ёвтак, мейсь якат васолга, Ютат вакска – мелявтан… Пек иля капша, лоткак тон, Ды варштака монь сельмес. Пси седейсэм вечкемадонть Монень эряви ёвтнемс. Вана те кортамонть кисэ Вальмат ало мон аштинь, Ковгак молемс недлячистэ Кавонек, эйсэть тердинь… Тонть кис, монь ламбамо инзей, А кортан ялгам марто. Вечкемась тесэ – содан ней – Эрси эрьва кодамо… Тон маласо эль васоло – Свал тошнаян мон кисэть, Тонтеметь эрямось чаво Ды прок арась седееть… *** Хвастать, Милая, не Стану Куплеты Курочкин
