Guest
Ул ел саен Татарстаннан гына түгел, ә тирә-күрше республика һәм өлкәләрдән дә танылган галимнәрне, тарихчыларны һәм дин белгечләрен бер мәйданга җыя. Сүзебез республикабызның Чүпрәле районында узган “Мунчәли укулары” хакында бара. Быел унҗиденче тапкыр узучы әлеге рухи, милли-мәдәни һәм дини чарада татар-мишәр халкының үзләренә генә хас булган милли киемнәре, бизәнү әйберләре, гаилә ядкарьләре, халык уен кораллары хакында сүз барды. Көн буе дәвам иткән бәйрәмдә халыкка шулай ук кызыклы йола күренешләрен, фольклор ансамбльләрнең чыгышларын да күрсәттеләр. Боларның барысы хакында да үз хәбәрчебез Рамис Сафин бәян итә.
