Guest
Bu gün Bakının erməni-bolşevik birləşmələrinin işğalından azad olunmasının 103-cü ildönümü ilə bağlı paytaxtda yürüş olub. Yürüşdə hərbi orkestrin müşayiəti ilə Heydər Əliyev adına Azərbaycan Ali Hərbi Məktəbinin 150 nəfər şəxsi heyəti iştirak edib. Yürüş 28 May küçəsi - Bülbül prospekti, Neftçilər prospekti və Azadlıq meydanı istiqamətində davam edib. 15 sentyabrın - Bakının azad edilməsinin bu ilk fərqli qeyd olunması, Türkiyə ilə birgə təlimlər dövründə, Rusiya və Ermənistanla münasibətlərin gərgin vaxtında yürüş keçirilməsi əslində, siyasi bir mesajdır. Bu günün əhəmiyyəti haqda efirimizdə söhbətimiz olacaq. Həmçinin, müzakirə masamızda çörək və benzinin bahalaşması var. İmkanlı təbəqənin istifadə etdiyi Aİ 95 və Aİ 98 benzinin qiyməti artdı. Eyni zamanda, bahalı çörəyin qiyməti də qalxıb. Bəs bu orta və kasıb təbəqə üçün nə vəd edir? Bununla yanaşı əhalini son dərəcə narahat edən məsələ məmurların rəftarıdır. Prezident Cəlilabada və Şəmkirə icra başçılar təyin edərkən onlara düz işləmələrini tapşırdı
