Guest
Ытык-мааны киһибит Варвара Трофимова сүүс сааһын сүһүөҕүн үрдүгэр көрсөр Мэҥэ Хаҥалас улууһун, Майа сэлиэнньэтин Бочуоттаах олохтооҕо, тыыл уонна үлэ бэтэрээнэ, сэрии кыттыылааҕын огдообото, ССРС Госбаанын уонна СӨ социальнай сулууспатын туйгуна, «Мэҥэ аат» бэлиэ хаһаайката, улуус Бочуотун кинигэтигэр киллэриллибит Варвара Петровна Трофимова бүгүн, от ыйын 22 күнүгэр, 100 сааһын тору-томточчу туолла. Сахаҕа «сүүс сааскын сүһүөҕүҥ үрдүгэр көрүс» диэн этии баар. Үксүгэр итинник тылларынан баҕа санаа бастыҥын этэн түмүктээччилэр. Ол аата үйэлээх олоҕу олоруу диэн киһиэхэ үтүөнү баҕарыы муҥутуур чыпчаала буоллаҕа. Киһи барыта бу чыпчаалга тиийбэтэ биллэр. Варвара Петровна билигин да хоп курдук, дьиэ иһигэр-таһыгар бэйэтэ сылдьар. Арай истэрэ мөлтөөбүт. Урукку олоҕун биһиэхэ бэрт сэргэхтик сэһэргээтэ. Сиһилии ? Source: ГАЗЕТА “ЭРКЭЭЙИ“ Мегино-Кангаласского улуса
