Guest
D’Mëssstänn bei der Police si grouss an de grénge Minister Kox weist kee Versteesdemech fir d’Uleiesse vun de Polizisten a vun der Personalvertriedung. An d’Lëscht vun den Uleiessen ass grouss: Karriäre bei der Police, Primme bei der Police, Rechtsbäistand vun de Policebeamten, Kannerversuergung vu de Polizisten, Formatioun vun de Polizisten, Printerkonzept bei der Police, Ekipement mat Camionetten a Lap-Top’e bei der Police, Problemer bei der Friemepolice a weider Uleiessen aus dem Polizei-Alldag. Dowéinst huet den ADR-Fraktiounschef Fernand Kartheiser de 7. Mäerz 2023 eng Interpellatioun iwwert d’Police ugefrot, wou hien am Detail op déi eenzel Mëssstänn ageet a konkret Léisungsvirschléi a Form vun néng Motioune proposéiert. Et ass derwäert bis eranzelauschteren...
