Guest
Պրոֆեսիոնալ պարով զբաղվողների քանակը Հայաստանում թեպետ ավելանում է, սակայն դա միայն աղջիկների հաշվին է. այս ոլորտում տղաներ գրեթե չկան։ «Ուրիշ նորությունների» հյուրերն են Հայաստանի «Բարեկամություն» պետական անսամբլի գլխավոր բալետմայստեր Զոհրաբ Բակալյանը, Հայաստանի պարի պետական անսամբլի գլխավոր բալետմայստեր Գագիկ Կարապետյանը և Հայաստանի երգի–պարի պետական անսամբլի գլխավոր բալետմասյտեր Նունե Գրիգորյանը։ «Խնդիրն այն է, որ ծնողներն այսօր ապագա չեն տեսնում պարի մեջ։ Տղաները դպրոցն ավարտելուց հետո բանակ են գնում, դրա համար հիմնականում չեն շարունակում։ Եվ չշարունակելու հիմնական պատճառը ցածր վարձատրությունն է` աշխատավարձի խնդիրը»,– ընդգծում են բալետմայստերները։ Ոլորտի մասնագետները խոսել են առկա խնդիրների, հայ մշակութային կյանքում պարարավեստի կարևորության, ինչպես նաև ապրիլի 29–ին` Պարի միջազգային օրը սպասվող միջոցառումների մասին։
