Трбт тылым- кутум биигэ

Алтынньы 10-11 күннэригэр биһиги оскуолабытыгар куорат РЛИ, СПЛ, 2 №-дээх оскуолаларыттан 10 оҕолоох делегация кэлэн «Төрөөбүт тылым- кутум биһигэ» диэн тиэмэҕэ атах тэпсэн олорон сэһэргэһии буолла. Бу тэрээһиҥҥэ сахалыы ааҕар, актыбыыс оҕолор кыттыыны ыллылар. Таатта улууһуттан уопсайа 104 оҕо кытынна. Бастатан туран оҕолор бэйэ-бэйэлэрин кытта билистилэр, онтон  «Ийэ тыл сайдыытыгар мин кэскиллээх хардыыларым» диэн тиэмэҕэ 5 хамаандаҕа 15-тии буолан арахсан бырайыак оҥордулар. Хамаандаҕа киирбит оҕолор бэйэлэрин санааларын аһаҕастык этэн бырайыак оҥоруутугар ким уруһуйдаан, ким кырааскалаан бары көхтөөх кыттыыны ыллылар. Хамаандалары куорат оскуолаларын оҕолоро иилээн-саҕалаан үлэлэттилэр. Бырайыак оҥорон баран хас биирдии хамаанда бырайыагын көмүскээтэ. Ол кэннэ бырайыактары олоххо киллэриини былааннаан резолюция таһаардылар. Сарсыҥҥы күнүгэр бары 9:00 чааска театрга мустан кэлэр кэскиллээх хардыылар олоххо киириилэрин механизмын сыллааҕы былаанын циклограмма быһыытынан киллэрэн бигэргэттилэр. Биһиги Тааттаттан куоракка тиийэн олохсуйбут оҕолор сахалыы ыраастык уонна сахалыы саҥарыы иһин туруулаһан үлэлииллэрин көрөн-истэн сөхтүбүт. Сахабыт тылын туһугар бары бииргэ ылсан үлэлээтэхпитинэ-хамсаатахпытына кыайыылаах буолуо диэн эрэнэбит.  Виолетта Винокурова, Анита Атакова, 8 “А“ кылаас үөрэнээччилэрэ.