Guest
Служба с каноном святителю Петру (Могиле) __ Акафист святителю Петру (Могиле) День памяти 31 декабря ст. ст., 13 января н. ст. __ Акафист святителю Петру (Могиле) День памяти 31 декабря ст. ст., 13 января н. ст. Иной источник __ Тропарь святителю Петру (Могиле), Киевскому, глас 4. Яко вертоградарь трудолюбивый был еси,/ святителю отче Петре богомудре,/ ученьми своими всю землю нашу удобрил еси,/ молитвами угодников Печерских присно укрепляем./ Темже купно с ними Престолу Царя Славы предстоя,/ молися во еже паству свою от зловерия суемудрых оградити,/ град сей и страну нашу от всяких бед избавити,// людям же подати мир и велию милость. __ Тропарь святителю Петру (Могиле), Киевскому, глас 5. Богословия Божественных глубин / и учителей Церкви Православны ревнитель богодухновенный явился еси, / просветителю народов наших, Петре Богомудре: / сподвижника в ограждении Святаго Православия преподобнаго Иова имея, / торжество Церкви земныя Небесней уподобил еси. / Сице бо, силою благодати Христовой укреплен, / противу козни диавола вооружился еси безбоязненно, / Ныне же, не премолчи ко Господу: / благостоянию Церкви Православной не поколебатися / и спастися Боголюбиву народу нашему. __ Кондак святителю Петру (Могиле), Киевскому, глас 8. Благочестия и догматов отеческих ревнителю,/ светильниче митрополии Киевския, святителю отче Петре,/ сподвижник преподобнаго Иова во ограждении Церкви Православныя воистину явился еси./ И противу козней диавольских безбоязненно вооружился еси./ Тем же и ныне не премолчи о нас молитися ко Господу,// во еже спастися душам нашим. __ Кондак святителю Петру (Могиле), Киевскому, глас 3. Яко вертоградарь трудолюбием уязвлен, / цветник святой Руси ученьми твоими облагоухал еси, / молитвами подвижников Печерских изрядно укрепляем, / алчущих и жаждущих правды, / от Источника воды живыя, обильно напаяяй; / Корабль Церкви Православныя, волнами житейского моря обуреваемый, / от порабощения и духовного потопления, спасл еси, сосуде Духа Святаго, священнотаинниче Петре. / Внемли ныне мольбам паствы твоея, / во еже не разоритеся ей ученьми еретическаго зловерия и неистовством расколов злочестивых, / молитвами твоими за ны ко Господу. __ Величание Велича́ем тя,/ святи́телю о́тче Пе́тре,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего. __ Молитва святителю Петру О великий и преславный угодниче Божий, Святителю Петре, отче наш! К тебе, яко чада ко отцу Боголюбивому, с верою и любовию припадающе, молимся прилежно: яви нам, смиренным и грешным, твое святое заступление, в дни страшнаго обуревания Святой Единой, Соборной и Апостольской Церкви Православныя, и умилостиви Всемилосерднаго Господа, да укрепит нас, Своею Божественной Десницею, в единомыслии веры и непоколебимом стоянии, даже до смерти, во всеусердном послушании Его Святой Церкви. Юже многостраждущую, да соблюдет незыблемо от неверия, суеверия, ересей и расколов, обуреваемую ныне всеми силами ада, во еже истребити Ю. Еще испроси, святый угодниче Божий, властем предержащим в страсе Божиим творити суд и правду в державе нашей, народу же нашему даровати мир и безмятежие, благоразумие и целомудрие, и от пагубнаго пленения избавление. Пастырям нашим, да подаст Господь пламенную ревность о спасении пасомых, мужество и одоление отчаяния и нерадения, в подвиге своего пастырского крестоношения. Наипаче же, отеческое попечение о воспитании юных сердец в целомудрию в любви ко Господу, и послушание родителям своим, в сем бо грядущее Божие благоволение к роду нашему. И во еже помиловати нас, предстоящих зде и за благословенного вино отшедших отец и братии наших, и весь мир в братолюбии утвердити, междоусобия и братского кровопролития избавити, да присно славим, поем и величаем пречестное и великолепое Имя Отца, и Сына, и Святаго Духа, во веки веков. Аминь.
