Бишкекте КМШнын мектептеринде ысык тамак берн талкуулаган форум тт

Иш-чарага президент Садыр Жапаров демилгечи болгон. Максат — мектептердеги ысык тамак берүү боюнча тажрыйба алмашуу эле. Форум 23-24-ноябрда болуп, экинчи күнү катышуучулар “Ала-Арча“ мамлекеттик резиденциясына чогулду. Форумда бир нече билдирүүлөр айтылды: Минкаб төрагасынын орун басары Эдил Байсалов Россия эки тараптуу кызматташуунун алкагында Кыргызстанга колдоо көрсөтүп жатканын белгиледи; Россиянын Кыргызстандагы мектептерде тамак берүүнү уюштурууга 10 млн. доллар бөлгөнү айтылды. Ал БУУнун Дүйнөлүк азык-түлүк программасы аркылуу жасалган; Билим берүү жана илим министри Догдуркүл Кендирбаева балдарга ысык тамак берүү боюнча бюджеттин чыгаша бөлүгү да көбөйө тургандыгын билдирди; Кендирбаева Кыргызстан менен Россия мектепте окуучуларга ысык тамак берүү программасы боюнча мындан ары да кызматташарын айтты. “Россия 10 жылдан ашуун убакыттан бери өкмөттөр жана ишенимдүү өнөктөш Бириккен Улуттар Уюмунун Дүйнөлүк азык-түлүк программасы менен масштабдуу долбоорду ишке ашырып келет. Бул Армения, Кыргызстан, Тажикстан жана бир катар өлкөлөрдө жасалууда. Долбоорду ишке ашыруу үчүн техникалык жактан көмөктөшүүгө бир топ акча бөлүнөт. 10 жылда анын жалпы суммасы 100 миллион доллардан ашты“, — деди РФтин агартуу министринин орун басары Денис Грибов. Ал Россия Кыргызстандын окуучуларга ысык тамак берүү тажрыйбасын колдонушу мүмкүндүгүн кошумчалады.