Guest
7 ліпеня адзначаецца 140 год з дня нараджэння класіка беларускай літаратуры, народнага паэта БССР, драматурга, публіцыста Янкі Купалы. Да юбілею беларускага песняра прымеркавана літаратурна-паэтычная акцыя «Купалаўскі радок», якая праходзіла на працягу чэрвеня ў аддзеле абслугоўвання вучняў 1–5 класаў. Актыўны ўдзел у акцыі прынялі юныя чытачы з клуба сяброў кнігі «Чамучка». Хлопчыкі і дзяўчынкі знаёміліся з паэтычнай спадчынай Янкі Купалы і з натхненнем прадставілі выразнае чытанне вершаў знакамітага беларускага мастака слова.
