Guest
Ұлы даланың жыр-маржаны🎶. 🔴Петропавл қаласындағы ХББ Назарбаев Зияткерлік мектебінің оқушылары арасында «Ұлы даланың жыр-маржаны» атты әдеби байқау жаряланды. Байқаудың мақсаты - ата-бабамыздан қалған баға жетпес мұраны жаңғыртып, жас ұрпаққа насихаттау; оқушылардың шығармашылық және зияткерлік қабілетін дамытуға жағдай жасап, халық поэзиясына деген сүйіспеншілікті ояту; кітап оқу мәдениетін қалыптастырып, балалардың әдебиетке деген қызығушылығын арттыру; Оқушылар поэзия алыбы Мағжан Жұмабаевтың «Батыр Баян» поэмасын таңдап алды. 🔴Ереже бойынша әр шаңырақ аталған жыр жолдарын оқып, эстафетаны басқаларға беріп отырады. Байқау шартына сәйкес, видеоматериал түсіріледі. Жергілікті ақын, режиссер, журналистерден құралған қазылар алқасы сол бейнежазбаға баға беру арқылы жеңімпаздарды анықтайды. 🔴Эстафетаны «Мағжан» шаңырағы бастайды. Алдағы уақытта бейнежазбаны назарларыңызға ұсынамыз. Оқушыларды қолдап, парақшамызда пікір білдірулеріңізге болады. #nispetropavl #nispetropavlSMI
