Guest
Гулафрӯз Қурбонова, ҳамсари Шӯҳрат Қудратов, сешанбеи 22-юми июл дар сӯҳбат ба Радиои Озодӣ, гуфт, ӯ то ба ҳол намедонад, ки бо кадом гуноҳ шавҳарашро боздошт кардаанд. Ба нақли хонум Қурбонова соати 12:00-и рӯзи душанбеи 21-уми июл ҳудуди 10 нафар аз кормандони Оҷонсии зидди фасод бидуни нишон додани дастури кофтуков вориди манзили истиқомии онҳо шуданд. Ба гуфтаи вай, дар он лаҳзаҳо ба ҷуз ӯ ва се фарзанди ноболиғаш, каси дигар дар хона ҳузур надоштааст.
