:

10 სექტემბერი - თვითმკვლელობის პრევენციის მსოფლიო დღეა, რომელიც 2003 წლიდან აღინიშნება. ინიციატორები არიან - ჯანმო და თვითმკვლელობის პრევენციის საერთაშორისო ასოციაცია. თითოეული ასეთი შემთხვევა - დიდი ტრაგედიაა. საქართველოში ბოლო პერიოდში თვითმკვლელობების რიცხვი იზრდება. შსს-ის მონაცემებით, 2024 წელს ასეთი 431 შემთხვევა მოხდა, თვითმკვლელობა სცადა 298-მა ადამიანმა. შედარებისთვის: 2023 წელს საქართველოში დაფიქსირდა თვითმკვლელობის 186 და სუიციდის მცდელობის 107 შემთხვევა. სიტუაცია ორჯერ მეტად გაუარესდა, რაც შემაშფოთებელია. თვითმკვლელობების შემთხვევების თითქმის მესამედი თბილისზე მოდის, შემდეგ არის აჭარა, მესამე ადგილზეა რეგიონები - ქვემო ქართლი, იმერეთი რაჭა-ლეჩხუმი და ქვემო სვანეთი. სუიციდის ყველაზე პატარა მსხვერპლი 11 წლის იყო, ყველაზე დიდი - 84 წლის. თვითმკვლელობების ყველაზე მაღალი მაჩვენებელი 30-დან 40 წლამდე ასაკობრივ ჯგუფზე მოდის. ამასთან, სუიციდს მიმართავენ არამარტო საქართველოს, არამედ უცხოეთის მოქალაქეები. 2024 წელს მათ შორის იყვნენ ბელარუსის, რუსეთის, უკრაინისა და კანადის მოქალაქეები.