Guest
Гөлдәр миңә “Һаумы, һаумы!“- тиҙәр, (Мостай Кәрим) Ауылымдың туғайҙары аша Алыҫтарҙан ҡайтып киләмен, Шишмәләргә ятып һыуҙар эсәм Һәм эйелеп өҙәм еләген. Гөлдәр миңә “Һаумы, һаумы!“- тиҙәр, Талғын елдәр иҫкән сағында, Баш эйәләр. Бер мин генә түгел, Улар ҙа, ахры, мине һағынған. Айырылыуҙың оҙаҡ йылдарында Ниндәй яландарҙа йөрөмәнем, Ләкин, гөлдәр, һеҙҙең шикеллеләй Хуш еҫ бөркөгәнде күрмәнем. Хәтерләйем ошо туғайҙарҙа Бик, бик күптән гөлдәр үҫкәнен; Ғашиҡ булдым егет йылдарымда, Тик гөлдәрҙе үрелеп өҙмәнем.
