Зегьы ыраны аоуп, ахмарра гы азоуп. Ус баша уахь цаом

“Зегьы ҳҽырӷәӷәаны ҳаҟоуп, ахәмарра ҳгәы азҭоуп. Ус баша уахь ҳцаӡом“. Ашьапылампылтә клуб “Аԥсны“ активла аҽазыҟаҵара иаҿуп “Чертановои“ дареи реицыхәмарразы. Азыҟаҵаҩ хада Герман Қәҭарба иажәақәа рыла, уи аплан инақәыршәаны имҩаԥысуеит, актәи аиԥылара иалахәымыз даҽа ԥыҭҩык ахәмарыҩцәа аҽазыҟаҵарақәа ирылалеит. Ашьапылампыласыҩцәа асабшаҽны Москваҟа иԥыруеит, уаҟа даҽа зыҟаҵарақәак мҩаԥыргоит, аха уа ​​иԥсабаратәу адәы аҿы. Аспортсменцәа рхаҭақәа иазгәарҭеит иҳаҩсыз ахәмарра аихшьаалақәа ргәы ишамыхәо, аҩбатәи аан аиааира агара иҵегьы ишазықәԥо. Ашьапылампыласыҩцәа агәыӷра рымоуп Москватәи адиаспора ахаҭарнакцәа адгылара рырҭаразы инеип ҳәа. Урыстәылатәи Амедиалига “Аԥсны“ раԥхьаӡакәны иалахәын нанҳәамза 30 рзы, 0:3 ҳәа “Чертаново“ акоманда иаҵахеит. Аҭактә хәмарра мҩаԥысуеит цәыббрамза 7 рзы астадион “Москвич“ аҿы. Ахәмарра асааҭ 17:30 рзы иалагоит. Source: Sputnik А?сны