Guest
Хъæбатыртæ æнустæм цæрынц. Гимназ “Диалог“-ы байгом кодтой цыртдзæвæн Уæрæсейы хъæбатыр Тыбылаты Маратæн. Кадджын мадзалы сæмбырд сæдæгай адæм: хиуæттæ, æфсæддон хæлæрттæ, ахуырдзаутæ æмæ республикæйы цæрджытæ. Монументы цур сæвæрдтой дидинджытæ. Уый фæстæ сывæллæттæн равдыстой хæстон киноныв, сарæзтой сын лæгдзинады урок. Хъæбатыры бинонтæн бузныг загъта республикæйы хицауады сæрдар Дзанайты Барис. Уæ зæрдыл уын æрлæууын кæндзыстæм, ахуыргæнæндонæн радтой Тыбылаты Мараты ном. Уый тыххæй курдиатимæ бинонтæ фæсидтысты республикæйы сæргълæууæгмæ. Гимназы ма уыдзæн Уæрæсейы гвардийы фыццæгæм кълас, республикæйы у иунæг хæсдзæн хъæбатыры ном. Нæ æмзæххоны хъайтардзинад рох никуы уыдзæн. Йæ ном бæстæйы историйы ныффыста сызгъæрин дамгъæтæй.
