Guest
Аҟәеи Аҟәа араиони рҿы иҟоу 30 школ апатриоттә стенд ҿыцқәа роуит. Аԥсны Аҵара аминистрра апресс-маӡаныҟәгаҩ Аслан Қәҭелиа иажәақәа рыла, арҵаратә центр “Машук“ аҟны аԥсуа рҵаҩцәа рдырра аизырҳараан дара иазгәарҭеит алабҿабатә цхыраагӡақәа шрыгу. Убысҟан Урыстәыла ахада игрантқәа рфонд ацхыраарала апатриоттә стендқәа раԥҵаразы аӡбара рыдыркылеит. Школцыԥхьаӡа Аԥсны иалҵыз, Аџьынџьтәылатә еибашьра Дуӡӡеи, Аԥсны жәлар Рџьынџьтәылатә еибашьреи, Арратә операциа ҷыдеи рфырхацәа – Ражьден Барцыц, Владимир Аршба, Владимир Харабуа уҳәа убас аӡәырҩы ирызку аинформациа зну астендқәа фба-фба рыҭан. QR-код ахархәарала иауеит асаит ахь уиасны дарбан фырхаҵазаалак изкны еиҳаны адыррақәа рыԥхьара, ма рзыӡырҩрра. Уаанӡа, аԥсуа школқәа жәаба астендқәа роухьан, ҳаԥхьаҟа урҭ ареспублика аҵараиурҭақәа зегьы рыҭара азԥхьагәаҭоуп. Source: Sputnik А?сны
